Често забележуваме дека при подолг престој во затворен простор го губиме работниот елан односно имаме потреба да излеземе на свеж воздух. Што е тоа што ни недостасува и зошто толку добро се чувствуваме во борова шума, покрај водопад или после пролетен дожд? Токму негативните јони ни го пружаат тоа чувство на свежина.

За да се разбере важноста на негативните јони на кислородот за здравјето на човекот, неопходно е да се појасни што се јони?

Воздухот содржи молекули и честички на различни елементи кои најчесто се наелектризирани, па за нив велиме дека се носители на електрицитет, а ги нарекуваме јони. Честичките кои имаат кусок на електрони ги нарекуваме позитивни јони, а оние кои имаат вишок на електрони ги нарекуваме негативни јони. Јоните во природата постојано се создаваат, но брзо и исчезнуваат, а бројот им варира во зависност од метеоролошките услови и космичките зрачења, како и од влажноста и чистотата на воздухот. Негативните јони се создаваат од космичките и сончевите зрачења, од радиоктивноста на земјата, при дожд и прскање на вода, како и огин (на пример, отворен камин или свеќи).

Кислородот доаѓа во крвта преку мембраните на белите дробови благодарејќи на негативните јони. Според некои истражувања, еден негативен јон на кислородот овозможува премин на 10-80 неутрални молекули на кислород.

Со бројни истражувања докажано е влијанието на негативните јони за подобрување на здравјето кај болните од на пр. астма, бронхитис, алергии, хипертонии, влијаат на побрзо заздравување на изгореници и рани, ја убллажувааат или отстануваат главоболката, мигрената, несоницата, раздразливоста, а истотака влијаат и на намалување на загадувањето во воздухот (лебдечките честички и бактерии). Негативните јони исто така влијаат позитивно и на растенијата и на животните.

После ова набројување јасно е дека негативните јони се неопходни за добро здравје. Но во затворените простории на модерните станови негативните јони ги има многу помалку отколку во природата поради присуството на армиран бетон во конструкцијата на станбениот објект (Фарадеев кафез), употребата на централно греење, воздушно греење и климатизација, ТВ мониторите и компјутерите, загадување од чад од цигари, релативно ниската влажност на воздухот и др.

Разни мерења потврдуваат голем недостиг на негативни јони во урбаните средини. Еве податоци од едно такво истражување кое го покажува количеството на негативните јони во 1 cm² воздух:

• во село: 800 – 1800
• на улица во поголем град: 200-450
• затворени простори на поголема канцеларија: 30-50.

Затоа во градовите потребно е одржување на поголем број зелени површини, фонтани и отворени водотеци кои го подобруваат квалитетот на воздухот со зголемување на бројот на негативните јони. Меѓутоа, во загадените простории во домовите, потребно е да се воспостави природна рамнотежа на електрицитетот на воздухот на вештачки начин. За оваа намена се употребуваат јонизатори на воздухот – апарати кои го збогатуваат воздухот со негативни јони.