Домашните молци сe инсекти кои наликуваат на пеперутки со големина од 6 до 14 милиметри. Имаат кафена боја, со варијации од светла до темно кафена боја, а на крилата имаат светли дамки. Можат да се видат во секој период од годината, но летаат од месец мај до октомври. Волната, крзното, кожата, свилата и други влакна од животинско потекло претставуваат нивна храна во плакарот.

Освен со растенијата како што се мента, рузмарин, лаванда и лимон, облеката од молците може да се заштити и со правилна организација со правилна организација во плакарот, според видот на ткаенината.


Организација на плакар

Без разлика дали сте носеле некоја облека само еднаш, пред да ја ставите во плакарот задолжително исперете ја. Невидливите дамки од дезодоранс, стик или бело вино претставуваат вистински извор на храна за молците. Пред перењето проверете ги сите џебови за да не им оставите оброк.

Волнена ткаенина оштетена од молци

Молците ги привлекува и штиракот, па затоа облеката и прекривките за маса кои нема наскоро да ги користите не ги штиркајте. Понежните и фини материјали однесете ги на хемиско чистење, но немојте да ги ставате во заштитни пластични или најлонски “кошулки” во кои ќе ги добиете во сервисот за хемиско чистење. Облеката нема да може да “дише“ во пластиката, па доколку во нив случајно бил заробен молец, ќе постојат идеални услови за размножување.

Плакарот во кој планирате да ја ставите сезонската облека најпрвин добро проветрете го, а потоа и пребришете го. Облеката поделете ја според видот на ткаенината. Протеинските влакна како што е свилата, волната, крзната и кожата претставуваат природна храна за молците. Затоа треба да се одвојат од облеката со влакна од растително потекло (памук, лен и индустриска свила) во друг плакар или во вакуумски вреќи во кои ќе бидат добро заштитени.

Вакуумските вреќи претставуваат соодветна заштита од молци

Потешката облека како што се џемпери, волнени елеци како и вечерни фустани сложете ги и чувајте ги во муслин бидејќи во него воздухот лесно циркулира. Пластичните кутии исто така се соодветни.


Природна заштита против молците

Топчињата против молци не се препорачливи. Истражувањата покажале дека тие се отровни, а и дека нивниот тежок мирис практично е невозможно да се “истера” од плакарот.

Лавандата е природно средство за истерување на молците

Сува лаванда, рузмарин, мента, мајчина душичка, циметот, цедарот и сува кора од лимон имаат интензивен мирис кој ги тера молците надалеку.

Вреќичката против молци може сами да ја направите доколку во чисто крпче или газа ставите свеж рузмарин и мента во еднаков однос.

Свежа мента и рузмарин со својот силен мирис ќе ги држат молците понастрана од омилената облека, а рузмаринот може да го исушите и да го чувате во пластични вреќи. Неговото дрво во себе содржи киселина која го отпушта во мали количества, може да ја оштети облеката кога во дрвените плакари стојат подолго од шест месеци. Затоа е добро тој да биде замотан во муслин.

Цедарот е растение со исклучително силен мирис од кој молците буквално бегаат. Ефикасен е и во форма на гел, вреќичка или коцкички. Потребно е да се менува на шест месеци.

Од цедарот молците буквално бегаат

Успешно средство против молци се добива и доколку се направи мешавина од повеќе растенија. За таа цел, земете малку лаванда, рузмарин, каранфилче и многу малку сува кора од лимон и замоткајте ги во сноп. Истото може да го направите и со малку лаванда, сува кора од лимон и стапчиња од цимет.