При употреба на аспираторот во кујната, со тек на време на неговиот метален филтер се таложат наслаги од мрснотија, што ја намалува неговата ефикасност. Поради ова филтерот од време на време треба да се исчисти.

За постапката на чистење на филтерот од аспираторот потребни се:

- врела вода;
- средство за одмастување;
- сода бикарбона;
- неабразивна четка за чистење;
- хартиени бришачи.

Постапката е следната:

• Извадете го филтерот од аспираторот.
  
  
• Потопете го во врела вода во мијалникот или друг сад – Што е потопла водата, постапката е поефективна. Може да се употреби топлата вода од бојлерот во кујната.
  
  
• Ставете од средството за одмастување, како и четврт шолја сода бикарбона во врелата вода – промешајте ги со четката, но никако со раката, бидејќи водата е врела.
  
  
• Ставете го филтерот во водата – тој треба да биде целосно потопен во неа.
  
  
• Оставете го филтерот 10-тина минути.
  
  
• Истријте го филтерот – со неабразивна четка тријте го филтерот за да излезе мрснотијата. Доколку е потребно ставете на четката од средството за одмастување.

• Исплакнете го филтерот и исушете го со хартиени бришачи.
  
  
• Вратете го филтерот во аспираторот.

  на почеток