Дали некогаш сте размислувале за тоа на кој начин уредувањето на домот зборува за вашата личност? Изборот на бои, стилови и начинот на применување на одредени елементи во просторот ги открива вашите афинитетите и особините, за кои можеби и не сте свесни!

Постојат многу фактори кои влијаат на уредувањето на домот. Секако, најзначајни се вашите лични афинитети и желби кои се пропратени со финансиските можности. За да согледате некои од нив, размислете за:

- боите и стилот на уредување кој ве воодушевува,
- разновидноста и едноличоста на одбраните материјали,
- количеството на светлина кој ве задоволува,
- желбата за затворање или за отворање на просторот,
- уредноста или нередот кој го оставате позади себе,
- желбата за замрачување на просторот,
- импровизирање или комплетни решениjа,
- видот на ткаенини со кои сакате да бидете во допир,
- двоумењето помеѓу естетските и функционалните вредности во даден момент
- потребите слепо да ги следите трендовите или да останете верни на себе и на безвременските решенија...

Црвената - избор на личности со цврст карактер

Изборот на боите во ентериерот ќе открие некои од вашите особини. Црвената боја е најсилна боја и ја одбираат луѓе со цврст карактер, желни за возбудување и акција, како и топли и срдечни личности. Зелената е омилена боја на смирени личности и на љубители на природата, а често ќе ја изберат и оние кои тежнеат кон намалување на активностите и кон опуштање. Розевата боја најчесто е женска боја, но се поврзува и со личности кои се среќни, срдечни и доверливи.

Изборот на сина боја открива сталожена и тивка личност, но ќе ја одберат оние на кои домот им е оаза во брзото секојдневие. Жолтата боја е карактеристична за отворени, позитивни и оптимистички личности. За смеѓи тонови често се одлучуваат оние поединци кои сакаат комодитет и задоволство. Виолетовата боја ве открива како личност која тежнее кон отменост, висока позиција и луксуз. Активност, ширењето на позитивни вибрации и топлина се одлики на луѓе кои ја избираат портокаловата боја, а храброста, софистицираноста и елеганцијата ги краси личностите кои уживаат во црна боја. Белата боја се поврзува со карактеристики како што се преданост и искреност, а сивата се поврзува со урамнотежени личности.

Еднолични тонови и материјали одбираат лица кои не сакаат експонирање

Избраниот стил на уредување на домот исто така многу кажува за вашите особини. Определбата за амбиентален стил открива дека сте опуштена личност на која не и е важно да се истакнувањето, туку уживањето во сопствениот дом со семејството и пријателите. Рустикалниот стил ги открива вљубениците во природата со доза на романтика, која освен во секојдневниот живот, ја внесуваат и во опкружувањето во сопствениот дом. Ретро стиловите им се омилени на личностите кои често се присетуваат на минатото, но го избираат и оние кои сакаат да внесат елеганција и раскош на некои минати времиња, како и да ја истакнат својата позиција во општеството. Минимализмот е типичен избор за практични и деловни луѓе, кои со ваквиот начин на уредување лесно одржуваат ред и прегледност. Изборот на овој стил е карактеристичен за личност која е типичен претставник на современиот брз начин на живеење.

Ретро стил - желба за минатото

Еднолично избраните тонови и материјали укажуваат на мирна личност која не бара да биде во центарот на вниманието во својата околина, туку е насочена самата на себе или кон пријателите. Разновидноста на бои и материјали ги карактеризира активните и љубопитните личности кои тешко се смируваат.

Во големите отворени и поврзани простории со многу светлина ќе уживаат поединци кои се отворени за запознавање на нови луѓе, дружење, храбар влез во нови деловни потфати и искрени кон другите. Несигурноста и стравот кои можеби потекнуваат од детството, повлеченоста и нагласената индивидуалност се особини кои се поврзуваат со опуштеност во помали простори, желба за затворање на врата и раздвојување на функционалните групи во домот, како и со потребата за престојување во простор со помала осветленост.





Креативните личности се љубители на амбиентално осветлување, за разлика од оние, кои се склони кон рационално размислување и кои почесто ќе користат централно осветлување. Несигурните личности тежнеат кон замрачување на просторот, а нервозните сакаат зголемено осветлување.




Има уште многу просторни параметри кои ја откриваат личноста, но и неколку основни се сосема доволни за да им проговорат за вас на вашите пријатели и познаници и на тој начин да го олеснат и поедностават комуницирањето.