Се За Домот | Идеи за новогодишно венче

Идеи за новогодишно венче

За изработка на ова венче потребни се: совитлива жица со средна дебелина, коноп, зимзелени гранчиња, неколку помали шишарки, црвени и златни лампиони, црвена машна и лепак.

Жицата свиткајте ја во форма на правилен круг со помош на клешти, а свежите зимзелени гранчиња (потребно е да бидат свежи и долги за да полесно се свиткуваат) исплетете ги во круг околу свитканата жица и прицврстете ги со коноп. Со супер-лепак на самото гранче залепете неколку шишарки (тие треба претходно да бидат исушени за да бидат лесни), потоа заврзете ги лампионите и на крај, заврзете ја или залепете ја пеперутка-машната.

Доколку машната е поголема и потешка, прободете ја со игла и конец, како да шиете, а потоа цврсто заврзете ја за новогодишното венче. Кога венчето ќе биде готово, може да го закачите на врата или на ѕид.

За изработка на венец со сијалички, потребна е свиткана жица (како и кај претходниот пример), гранчиња на зимзелено дрво, а може и да послужат гранчиња од вештачка елка која веќе не ја употребувате. Обвиткајте ги околу жиците завиткани во круг, прицврстите ги со коноп, а потоа обвиткајте го низот од сијалички. Ова венче подобро е да се закачи на ѕид (близу до електричен приклучок) за да може да се приклучат сијаличките и да се создаде целосен амбиент.

Ова декоративно венче се прави на ист начин како и претходните две, односно со вплетување на зимзелени гранчиња околу свитката жица. Со лепак на гранчиња залепете поголем број на шишарки, а потоа испрскајте го венчето со вештачки снег од спреј. На крај, врзете машна и закачете го венчето на влезот на својот дом.

Потребен материјал за ова венче: жица, стари весници, коноп, лепак и лампиони во две или три бои. Околу жицата, во круг се обвиткуваат весници, на тој начин што секој лист се згужвува во вид на лента и се замоткува. Тоа се повторува со неколку листови, а потоа тие се врзуваат со коноп. Украсните топчиња ги лепиме со лепак за весник, со тоа што се почнува со помалите топчиња, а се завршува со поголемите. Изработката на ова венче бара малку повеќе време и ангажман, но сепак на крај трудот е видлив и тоа изгледа фантастично. Ова венче најдобро е да се стави на ѕидот на просторијата која се декорира, бидејќи премногу е деликатно и кршливо за поставување на влезната врата.

Ова нежно, бело венче неодоливо асоцира на зима, изгледа како круг кој е направен од топки снег, а всушност се прави од волна. Имено, прво се изработуваат 10 – 15 класични волнени топчиња. Составете ги со игла и конец, а потоа врвцата од бела волна прицврстете ја за свитканата жица. Може да се закачи на било кој ѕид, но исклучително ефектно изгледа на темна подлога, а белиот ѕид треба да се избегнува.

Галерија на новогодишни венчиња

на почеток