Се За Домот | Општи услови за чување растенија во домот

Општи услови за чување растенија во домот

При одгледување на собните растенија големо значење има положбата на саксијата, осветленоста, струењето на воздухот итн.

Мал е бројот на растенијата кои можат да поднесат директни сончеви зраци преку целиот ден. Не треба да се заборави дека не е исто растението да расте во слободна земја и да расте во саксија. Растењето во саксија повеќе е изложено на загревање, бидејќи земјата во саксијата лесно се прегерева. Тоа значи дека дури и видови на кои им е потребна посилна сончева светлина, треба да бидат заклонети во блага сенка во периодот помеѓу 11 и 14 часот.

Потребно е да се води сметка и за количеството на светлина кои одделни растенија го побаруваат. Во овој поглед сите растенија може да се поделат во 3 групи: растенија на долгиот ден, растенија на краткиот ден и неутрални растенија. Првите претежно водат потекло од зоната на умерена клима, односно од предели каде преку летото денот е долг, а ноќта е кратка. Вторите потекнуваат од тропски и субтропски предели каде преку денот и ноќта се релативно изедначени.

Растенијата на краткиот ден бараат, на некој начин, намалена должина на осветлување, за разлика од растенијата на долгиот ден, кај кои понекогаш е потребно дополнително осветлување. Тоа најдобро се прави со флуоресцентна цевка, бидејќи спектарот на нејзината светлина е најсличен на сончевиот. Неутралните растенија не реагираат на должината на денот.

Посилното струење на воздухот, провевот, кај скоро сите растенија е непожелно, а за некои е и особено штетно. Истотака, наглата промена на температурата во просторијата, особено во зима кај голем број на растенија предизвикува оштетување, па и угинување на растението. Затоа на растенијата треба да им се создаде, повеќе или помалку, изедначена температура преку целиот ден и да бидат заштитени од силно струење на воздухот.

Полевање

Различни видови на растенија побаруваат различно количество вода, но еве неколку основни упатства:

Пред сè, треба да се внимава водата да не се задржува во саксијата на површината на земјата, т.е. земјата во саксијата треба да е доволно порозна за да ја пропушти водата. Ако земјата во саксијата пресуши потребно е подолго време кога ќе се натопи да почне да пропушта вода. Ова за растението е штетно и не треба да се дозволи.

Од голема важност е и температурара на водата. Бидејќи растенијата во саксиите често се изложени на поголемо загревање, особено во лето на сонце, полевањето со студена вода е непожелно, а може да предизвика и “воспаление на коренот”. Најдобро е водата да стои одредено време во отворен сад за да ја добие собна температура, а за некои видови на пр. кактусите водата треба да биде во сад со топла вода (и до 70^оС).

на почеток