Поставување на паркет во бањата, обложување на ѕидовите и санитариите со дрвени облоги ќе ги воодушеви сите приврзаници на природните материјали.

Поставување на паркетот во бањата и кујната може да го споредиме со употреба на дрвото во бродовите и јахтите. Паркетот може да биде дабов, буков, од јасен или од егзотични дрва од Африка, Азија и Јужна Америка.

Најповолни материјали за паркет во бањата се оние кои имаат поголема отпорност на влага и топлина, како што е тиковината која потекнува од тропските краеви на Јужна и Југоисточна Азија. За оние кои не се љубители на паркетот, опција е и поставување на широкопојасни даски (бродски под) или некоја друга подна облога од дрво во бањата.








Заштита на дрвото

Дрвото и дрвените подни облоги може да користат и во простории каде има зголемената влажност на воздухот, која во принцип е неповолна за дрвото, доколку облогите се заштитени со специјални лакови за заштита на дрвото.

Дрвото не смее да има пукнатини низ кои може да влезе вода, па затоа треба да биде добро искитирано и лакирано. За да лакот биде водонепропустлив, треба да се нанесат неколку слоеви на лак.

Притоа, акрилните, полиуретанските и другите современи лакови овозможуваат долготрајна и квалитетна заштита на дрвото.

Бродски под во бањата

Паркет од тиковина

Тиковината претставува исклучително квалитетно дрво, отпорно на влага, топлина и студ, што овозможува да биде поволен материјал за дрвена подна облога во бањата.

Пакретот од тиковина може да се поставува со лепење на даските на рамна подлога, која претходно треба да биде третирана со некој изолациски премаз или материјал. За поставување на паркетот треба да се употребува лепило со полиуретанска смола, која се разредува со вода. Краевите на споевите треба да се израмнат најрано 48 часа подоцна, а површината на даските се израмнува дури откако масата потполно ќе се исуши, односно 4-5 дена подоцна.

Заради поголема сигурност и постојаност, дрвото може да се обработи и со лак, но тоа повеќе би претставувало естетски зафат, бидејќи тиковината, и слични на неа тврди материјали од дрво, се постојани на надворешни влијанија и без заштита од лак.

Квалитетот на дрвото кај тиковината овозможува паркетот да се сложува во сите насоки – паралелно, во облик на рибина коска, па дури и на коси површини.

Под од тиковина во бањата

Трендови

Паркет во бањата претставува апсолутен хит веќе неколку години, особено кога станува збор за паркетот од тиковина.

Во мода се и егзотични паркети во црвени, жолти и зелени тонови.

Еден од најпопуларните е паркетот “Ipe lapaco”, кој се прави од дрво кое потекнува од Јужна Америка. Неговата зеленкасто-кафена боја се менува при допир со хемиски супстанции.