Зошто при уредувањето на домот некој ќе избере старински кристални лустери, додека други попрво ќе се определат за минималистички и урбан дизајн, постојат најразлични теории? Зошто едни сакаат пастелни бои, а други црно-бела комбинација? Одговорот на овие и слични прашања може да се пронајде и во хороскопот.



Овенот – освојувач на просторот

Иако овенот е склон кон минимализам, тој сепак околу себе мора да има движење, боја и живот. Овој знак едноставно не ја поднесува досадата. Ако на ѕидот се наоѓа и само едно единствено платно, тоа е динамично, огнено и многу често на него преовладува црвената боја. Црвената и црната боја, имено, се двете основни бои во животот на Овенот. Овој знак го карактеризираат фунционалност, практичност и употребливост. Неговата природа најдобро се одразува во простор кој е оптоварен со премногу детали. Во домот на Овенот нема непотребни предмети, тој е во состојба да спие и на подот и да готви во едно тенџере, но во тоа тој е толку добар што секој гостин ќе се запраша зошто и самиот не се насочил кон минимализам.

Линиите во домот на Овенот се остри и јасни, а мебелот е квалитетен. Меѓутоа, Овенот како знак кој сака да се докажува може да потроши и цело богатство на мебел од кожа. Доколку Овенот се одлучи за поставување на семејни фотографии на видно место, тогаш нема сомнение дека тоа ќе бидат слики на неговите предци, по можност во униформа.

Вазните од метал, како и колекциите на оружје се негов афинитет. Во природата на Овенот е да освојува - како во животот, така и во дневната соба и останатите соби од неговиот дом.



Бик – беспрекорно декорирање

Доколку бикот го погодила несреќна судбина да мора да живее во стан, единствена утеха за него би била да биде тоа огромен стан, во кој ќе може да ги смести сите тие луксузни драпери, ќупови и балдахини.

Кога Бикот декорира, тој тоа го прави не занемарувајќи ги и најмалите ситници, па затоа живеење во сопствена куќа е најдоброто решение за овој знак.

Тоа би била куќа со многу цвеќе која на секој начин би оддавала чувство на удобност и добредојде. Сè треба да е удобно, со меки облици и топли бои... Поради поврзаноста на Бикот со просторот тој од домот создава култ. Од шоља за кафе до мотивите на плочките - сè треба да потсетува на богатството на животот. Бикот ја црпи инспирацијата од природата, па затоа чиниите кај него се полни со овошје, украсните саксии се полни со цвеќе, и воопшто цветните дезени се незаобиколен дел од уредувањето на домот.

Кадата е задолжителна, миризливите сапуни се со најдобар квалитет, шпајзот е полн со храна, чаршавите се од сатен... Едноставно – беспрекорно.



Близнаци – дом на комуникација

Близнаците подеднакво се среќни и кога кампуваат во шума и кога се бањаат во пенлива купка во хотел со пет ѕвезди. А кога станува прашање за уредување на домот, тие ќе направат од се помалку. Во секој случај, се знае дека ходниците, лаковите и другите премини се вистински канали за комуникација во просторот на Близнаците. Кујната е фунционална, а во купатилото кадата не е задолжителна, бидејќи тушот е сосема доволен за динамичното темпо на живот на овој знак. Иако не се клаустрофобични, во спалната соба на Близнаците вратата не е задолжителна.

Тоа што дефинитивно е задолжително се книгите, но и средствата за комуникација - од телефон до најнов модел на компјутер. И секако, плазма телевизор, кој совршено ќе се вклопи во лесниот, и често подвижен мебел.

Како воздушен знак, не зачудува склоноста на Близнаците за проветрување и често отворање на големите прозорци, на кои најчесто нема завеси, но и кога ги има тие се проѕирни и неупадливи.

Поради својата неодолива потреба да комуницираат со околината, Близнаците попрво ќе живеат во станбените згради, отколку во засебни куќи. Жагорот од улицата на нив едноставно им е повеќе од потребен.



Ракот - спокоен рај

Топлина, припаѓање, сигурност, огниште, грижа... Во недоглед се нижат карактеристиките на Ракот, знакот кој се издвојува како најприврзан за семејството од сите хороскопски знаци. Ракот во потполност зависи од својата околина и неговиот дом е топол и спокоен, бидејќи тој сака да стапне во сигурен рај кога ќе дојде дома.

Од раното детство Раковите се колекционери на сè и сешто. Секој предмет во домот на Ракот има своја историја, секој сад има свој пар, и сè има свој живот и своја смисла. Кујната е централна просторија, украсена е со садови који се генерациско наследство, на пр.чешки кристал и сребрен есцајг.

Но не само кујната, туку и секоја друга просторија во домот на Ракот, претставува царство само за себе. Удобните наслонувачи и карираното ќебе, антиквитетните шолји за чај, столиците за лулање пред каминот, негувано цвеќе и библиотеката е тоа што го прави среќен Ракот.




Лав – живот на висока нога

Кај Лавовите сè e погламурозно отколку кај другите. Тие не живеат во куќи, тие живеат во палати!

Ако се веќе присилени да живеат во стан, тогаш тој повеќе ќе наликува на салон отколку на стан, и секогаш е во центарот на градот!

Лустерите се раскошни, лампите се ремек дела, библиотеките се со книги на славни писатели. Приборот за обедување мора да биде со монограм, вазните скапоцени, пешкирите и постелнината со дизајнерски потпис... Побогатите Лавови, без сомнение ќе ги ангажираат најпознатите архитекти за дизајнирање на нивниот дом, кој секогаш ќе блеска во луксуз. Моќта и богатството свој одраз го наоѓаат во домот на Лавот.



Девицата – максимум од минимум

Веќе плочката со името на домаќинот на вратата навестува дека сè е под конец, јасно и видливо, со мирис на чистотијата уште од самиот влез во домот.

Девицата е во состојба да го повика фенг-шуи експертот само за да провери дали нејзиниот кревет е на вистинското место. Ќе повика и сервис за чистење на теписи за да биде одржуван нејзиниот бел итисон поставен од ѕид до ѕид, како и дизајнер на ентериери за да ја одбере бојата на завесата. И ако не живее во голем простор, домот на девицата ќе изгледа пространо, бидејќи девицата од минимум прави максимум. Аголните гарнитури, фотељите на извлекување, столиците на расклопување и доминантната бела боја едноставно го прават своето. Огромната библиотека е исполета со книги за медицина, растенија, енциклопедии и речници и задолжително е застаклена поради заштита на книгите од прашина. Сè е совршено, уредно и блескаво.



Вагата – школски пример за хармонија и складност

Цвеќе пред влезната врата, стилизирана плочка за име на вратата, декорирано чергиче. Тоа е Вагата – знак чиј најсилен штит е убавината.

Иако Вагата тешко ќе одлучи дали тепихот треба да биде црвен, а ѕидовите плави или обратно, таа на крај ќе ги обои ѕидовите во пруги со двете бои и подот ќе го остави без тепих. Просторијата на крај, без разлика на изборот кој го направила вагата, ќе добие артистички изглед.

Вагата најмногу од сите хороскопски знаци ги сака гостите. Впрочем убавината е бесполезна ако не може да се види и да се прикаже.

Дневната соба кај Вагата е школски пример на хармонија и складност, завесите се раскошни, балконите се полни со цвеќе, а не е чудо и ако дел од домот биде претворен во зимска градина во која складно се сместени фотељи од бамбус. Токму тука Вагата би можела да го поминува времето во читање, сликање или музицирање. Витрините во домот на Вагата се полни со уметнички предмети, а порцеланот и кристалот се поставени на подлога од шпанска чипка, додека сребрените предмети се поставуваат на свилен чаршав на масата за дванаесет лица.

Спалната соба со балдахин и тоалетната масичка покрај креветот е свет сам за себе, кој плени со убавина и складност.

Линиите во домот на Овенот се остри и јасни, а мебелот е квалитетен. Меѓутоа, Овенот како знак кој сака да се докажува може да потроши и цело богатство на мебел од кожа. Доколку Овенот се одлучи за поставување на семејни фотографии на видно место, тогаш нема сомнение дека тоа ќе бидат слики на неговите предци, по можност во униформа.

Вазните од метал, како и колекциите на оружје се негов афинитет. Во природата на Овенот е да освојува - како во животот, така и во дневната соба и останатите соби од неговиот дом.



Шкорпија – мистично и опојно

Шкорпијата се згрозува од просечност и умереност и на сè става свој личен печат. Уште поштенското сандаче и чергичето фиксирано до прагот ни укажува дека домаќинот сака нешто да ни соопшти. Домот на овој мајстор на мистеријата никого нема да остави рамнодушен бидејќи Шкорпијата едноставно ја обожува драмата.

Претсобјето е како лавиринт, со закачени маски од Африка, слонова коска и слики на моќни животни.

Салонот е простран, четвороседот е во пурпурна боја, со украсни кадифени перничиња, а на ѕидот е закачена огромна слика...Мирисливите свеќи и стапчиња се неизоставен елемент на домот на Шкорпијата, а тепихот е зебрест.

Врвот на склоноста на Шкорпијата кон уредувањето на домот може да се види во спалната соба. Креветот на Шкорпијата е во мирис на Ориентот, со бордо постелнина, крзно на подовите, смели актови на ѕидовите ... Сè е во комбинација на црното и црвеното, па дури и завесата од свила која е рачно украсена.

Бањата е поврзана со спалната соба и целата е во огледало и мермер.

Домот на Шкорпијата е мистично и опојно место. Доколку Шкорпијата реши да ве угости, тоа искуство нема брзо да го заборавите.



Стрелец – клучен збор експанзија

Стрелецот ја обожува слободата и животот на хациенда би бил идеален за него. Двор, коњи, врата како во салун, куќарка за птици, палми и стебла на портокали, огромни саксии на филадендрон - за него се идеално решение. Во домот на Стрелецот сè е пространо и често го исполнува со спомени од патувањата: племенски уметнички дела во кујната или препариран алигатор покрај кадата. Некои луѓе и нема да имаат желба да се капат покрај препариран алигатор, но Стелецот со таквите, се разбира, не се дружи.

Клучен збор во домот на овој знак е експанзија. На ѕидовите се огромни огледала, лустерите се масивни, лаковите неизбежни, фотељите широки, а масата за билијард не е толку чудна појава.

Жолтата боја доминира во домот на Стрелецот. Преферира лесни лелеави завеси.

Стрелецот спие во најголемиот можен кревет, покрај кој се наоѓаат безброј часописи, скапоцени шишиња со парфеми и неизбежниот авантуристички роман.



Јарец – вистински вредности

На Јарецот му е многу важна светлината и дење и ноќе, па затоа завесите се секогаш размакнати, а лампите се насекаде во просторијата.

Куќата на Јарецот многу често е во камен, а портата од ковано железо. Паркот околу куќата на Јарецот е украсен со скулптури, а под виновата лоза се поставени клупи.

Влезната врата на Јарецот обично е масивна, а лакот над неа е во готски стил. Кога ќе влезете во ходникот на домот на Јарецот, можно е да наидете на два украсни оклопи или на некои богати таписерии.

Слично е и во дневната соба, просторија со висок таван обложен со греда.

Ѕидовите се прекриени со библиотека од махагони и со слики од старите мајстори. Мебелот е масивен, во резба или пресвлечен во кожа, а тука се и украсните перници поредени до предните ткаенини.

Грнчаријата на полиците и мирисот на ајдучка трева се незаобиколни елементи во домот на овој решителен знак.

Јарецот толку е наклонет на вистинските вредности што во неговиот дом пластиката практично не постои, додека екологијата е негов заштитен знак.

Иконата на столчето, бројаниците, топлата постелнина, фланелот и четките од природни влакна најдиректно се поврзани со Јарецот.




Водолијата – спој на неколку стилови

Водолијата обично живее на последниот спрат бидејќи ја обожува панорамата на градот, а терасите се места каде поминува голем дел од времето. Столиците и лежалките на расклопување, како и колекцијата на весници секогаш се присутни. Домот на Водолијата е преполн со книги. На полиците, на ѕидовите, купови до креветот, на комодите и под креветот... Водолијата би морала да размисли колку места и одземаат сите овие книги бидејќи за луѓето останува многу малку простор.

Дневната соба во која престојува овој знак е спој на неколку стилови. Компјутерската маса е задолжителна, а со тоа и најновиот компјутер, подсетник, три мобилни телефони и два фиксни телефони... Со плазма телевизорот, како и музичките уреди кои би можеле да бидат и опремана дискотека.

Во секој случај, ништо не е пренатрупано бидејќи тоа Водолијата не го поднесува. Просторот е функционално уреден, кујната и трпезаријата се осмислени на тој начин што во нив најлесно е да се јаде “од нога”, а микробрановата печка претставува клучен орган во овој дел од куќата на Водолијата.

Слично на ова и спалната соба е модерно наместена, а постелнината е од материјал што не се пегла, бидејќи Водолијата за ова активност, покрај сите фантазирања кои ја очекуваат, едноставно нема време.



Рибите – во светот на бајките

Рибите сакаат да биде сè баш онака како што треба, креветот да е мек, а теписите луксузни и ориентални. Во спротивно, рибите никако нема да се чувствуваат пријатно бидејќи токму овој знак својата душевност ја изразува со уредување на просторот.

Со влегување во претсобјето на станот во кој живее рибата, се влегува на прагот на еден поинаков свет од бајките. Нозете потонуваат во персиските теписи, а спокојот е максимален. Од улицата не допираат звуци бидејќи изолацијата е совршена, а и завесите најчесто се двојни. Ова е амбиент кој делува на сите сетила.

Витрините и комодите се беспрекорни, а столиците се со висок наслон. Салветите за обедување се платнени, а прекривките за маса се хеклани, а украсните перници се надополнети со фина чипка и машни.

Домот на Рибите најмногу од сите знаци личи на бајка. Колекцијата на фини вина и приборот за бриџ, романтични чајници и тенџерчиња со туфни, брусен кристал, свила, кадифе и чипка, подеднакво, како и големата бања во тиркизни бои оддаваат призвук на топлина и удобност.

  на почеток