Овој стан е сместен во нова станбена зграда во Гдањск, Полска. Се простира на површина од само 34 m² и е погоден за живот на еден пар. Дизајнот е на Michel Design Studio и јасно кажува дека стилот доаѓа во секаква големина. Главна карактеристика е функционалноста, разубавена со избор на модерни детали.

Сите животни функции се одвиваат во еден простор кој е одделен од влезниот дел со транспарентна преграда. Тука се сместени кујната, трпезаријата и софата која служи како кревет. Секој елемент од мебелот, почнувајќи од парчињата во дневната соба, кујнските елементи, плакарите, бањата ... се внимателно конструирани за да можат да функционираат како модерна позадина за динамичен начин на живот. Фокусна точка претставува стаклената плоча меѓу елементите во кујната која е испечатена на задната страна и претставува живописен детаљ. Радијаторите се сокриени зад црни стакла и се вклопуваат во целокупниот изглед на ентериерот. Во бањата се употребени светло и темно сиви плочки кои создаваат атмосфера за релаксирање.

  на почеток