Уредување на кујна

Стандардни димензии на елементите во кујната

 

Сите елементи во кујната се работени по некои стандардни мерки, поради широчината на шпоретот, должината на машината за перење садови и сл, бидејќи важно е мебелот да биде во склад со вградените апарати (да не е потесен, поширок, подолг од потребното и сл).

Еве неколку мерки на кои треба да обрнете внимание при планирање и опремување на новата кујна.

А) долни елементи (со или без вградени електрични апарати)

• длабочина : 60 cm

• висина : 80-85 cm со работната плоча

• ширина : 15, 25, 30, 40, 45, 60, 80, 90, 120 cm

 

Б) горни висечки елементи

• длабочина : 35 cm

• висина : 60-98 cm со работната плоча

• ширина : 15, 25, 30, 04, 45, 60, 80, 90, 120 cm

 

В) високи ормари (со или без вградени апарати)

• длабочина : 35 или 60cm

• висина : 200-240 cm

• ширина : 30, 45, 60, 90 cm

 

Сите елементи со работни површини треба да бидат вовлечени за најмалку 76 mm (простор на стопалата). За повеќето домаќинки најприкладна висина на елементите со работна површина е 810 mm ( длабочина 610 mm).

Задниот раб на елементите треба да биде ограден со пластична летва која ќе спречи прелевање на течности и трошки преку работ. Најпрактичен простор за остава е над работните површини, каде може да се стават полици со длабочина 100 mm.

Ѕидните елементи (ормарчиња) можат да започнат на 410 mm над работната површина и не би требало да бидат подлабоки од 350 mm, што е приближно половина од работната површина. Највисоката полица во ѕидното ормарче не треба да се наоѓа на височина преку 1,70 m, а врвот на ормарчето да не биде преку 1,90 m од подот.