Доколку имате приспособено одреден дел од домот како канцеларија или работно катче, во овој дел од просторот боите имаат влијание на емоциите, однесувањето и остварувањето на работните цели.
Белата боја е симбол на професионализам, но таа не делува стимулирачки кога станува збор за работната атмосфера. Белата има тенденција да предизвика конфузија на мислите и паѓање на концентрацијата.
Црвената боја тера на побрзо и поенергично размислување, но делува негативно на аналитичкото расудување, што не е добро ако се носат деловни одлуки.
Портокаловата боја ја одржува будноста и ја засилува концентрацијата, па е една од најпогодните бои во работното катче.
Сината боја има моќ на смирување и релаксација, а на просторот му дава доза на деловна озбилност.
Жолтата боја предизвикува страв, анкциозноста, но ако се одбере посмирена и потопла нијанса, просторот може да делува пријателски и позитивно.
Зелената боја ја потикнува и зголемува креативноста, што е одлина причина да биде дел од работните простори.