За да садот во кој е поставена свеќата, односно свеќникот, лесно се исчисти од восокот, постојат неколку постапки за негово отстранување, но и за спречување на негово лепење.
Така, доколку свеќата е поставена во чаша или друг сад, и истата ја наполните со вода, тоа ќе спречи лепење на восокот на ѕидовите.
Отстранување на восокот од свеќниците може да се направи со неколку постапки.
Една од нив е со замрзнување на свеќникот во времетраење од 45 минути, после што восокот многу полесно се отстранува со нокт или некоја мека пластика. Оваа постапка не е сигурна кај свеќници направени од два или повеќе видови метали бидејќи може да предизвика контракции и набабрување на свеќникот.
Спротивно на оваа постапка, омекнување на восокот може да се направи и со топол воздух од фен за сушење коса, после што полесно може да се излупи. Оваа постапка не треба да се користи за свеќници од бакар или бронза. За вадење на сите други остатоци од восокот се користи мека крпа.
Свеќникот може да биде ставен и во сад или мијалник со топла вода. Треба да се држи додека омекне восокот, а потоа може полесно да се извади. За повалкани свеќници може да се сипе и малку оцет во топлата водата. Доколку се употреби оцет треба да се исплакне свеќникот во вода, а на крај да се истрие со сува, мека крпа.