Тик (lat. Tectona) е листопадно дрво кое расте на азискиот и афиканскиот континент, а кое често нaраснува и до 40 метри височина. За да ги има најдобрите карактеристики тикот мора да биде стар најмалку 40 години, но со новите технологии може да се добие доволно добар квалитет и ако дрвото е 10 години старо.
Тикот е совршено дрво за сите надворешни влијанија, поради поради природната отпорност на сите временски услови, па како такво е совршено дрво за изработка на подови за тераси, бањи, мебел во градината, како и други дрвени површини во градината. Токму поради овие карактеристики се користи и за изработка на палубите на чамците.
Ова дрво има висока содржина на масло, што го прави отпорно на атмосферски влијанија и што му дава висока еластичност. Маслото го прави и извонредно отпорно на напади од инсекти.
Подот од тик е квалитет и долговечен. Тој е извонредно отпорен на удари на предмети и гребаници, чистењето е лесно, па така се препорачува за семејства со мали деца или куќни миленичиња.
Летви од тиковина фугирани со гума
Тикот е исклучително отпорен на вода, па се користи како под во бањите и сауните. Во случај да се истури вода или друга течност, едноставно треба да се пребрише, без страв дека ќе го оштети подот и ќе предизвика надигнување или изобличување.
Тикот не треба дополнително да се заштитува од инсекти и штеточини поради неговата природна одбојност кон нив.
Квалитетот и издржливоста на тикот со себе носи и повисока цена во однос на повеќето други дрвени подни облоги.